Հարկային խնդիրները կարող են ի հայտ գալ տարբեր փուլերում՝ երբ սպասվում է հարկային ստուգում կամ ուսումնասիրություն, երբ հաշվառման մեջ կուտակվել են անհամապատասխանություններ, կամ երբ արդեն ստացել եք ակտ կամ որոշում, որի հետ համաձայն չեք։ Նման իրավիճակները կարող են հանգեցնել լրացուցիչ հարկերի, տույժերի ու տուգանքների։ Որքան շուտ գնահատվեն ռիսկերը և ձեռնարկվեն քայլեր, այնքան փոքր կլինեն հետևանքները։

Ինչ ենք անում.

• Գնահատում ենք հարկային ռիսկերը: Նախնական հարկային ստուգման միջոցով ուսումնասիրում ենք հաշվառումը, հարկային հաշվարկներն ու փաստաթղթերը հարկային մարմնի տեսանկյունից և բացահայտում խոցելի գործարքներն ու հնարավոր պարտավորությունները։
• Անցկացնում ենք գույքագրում և համադրում տվյալները: Ստուգում ենք ապրանքանյութական արժեքների, հիմնական միջոցների և դրամական միջոցների փաստացի մնացորդները, համեմատում դրանք հաշվառման, հարկային հաշվարկների և հաշվետվությունների հետ ու պարզում տարբերությունների պատճառները։
• Շտկում ենք սխալները օրենքով սահմանված կարգով: Կատարում ենք անհրաժեշտ ուղղումները հաշվառման մեջ, կարգի ենք բերում փաստաթղթային բազան և, անհրաժեշտության դեպքում, ներկայացնում ճշտված հաշվարկներ։
• Վերլուծում ենք ակտերն ու որոշումները: Ուսումնասիրում ենք ստուգման կամ ուսումնասիրության արդյունքում կազմված ակտերը և հարկային մարմնի որոշումները, գնահատում դրանց հիմնավորվածությունը և պատրաստում առարկություններ ու բողոքներ։
• Պաշտպանում ենք Ձեր շահերը: Ներկայացնում ենք Ձեզ հարկային մարմնի հետ հաղորդակցության մեջ՝ ստուգման ընթացքում, դրանից հետո և հարկային վեճերի լուծման բոլոր փուլերում։

• Գնահատել հարկային ռիսկերը
• Պահեստների մնացորդների համապատասխանեցում անել հաշվապահական տվյալներին
• Կարգավորել հաշվառման խնդիրները
• Վերլուծել հարկային մարմնի ակտերն ու որոշումները
• Պաշտպանել Ձեր շահերը հարկային վեճերի ընթացքում

Ճիշտ խորհրդատվությունը կարող է օգնել նվազեցնել հարկային ռիսկերը և Ձեր բիզնեսի ֆինանսական բեռը։